Hackathon उपक्रमा अंतर्गत जिल्हास्तरीय प्रदर्शन 2024 – 25 संपन्न

Hackathon उपक्रमा अंतर्गत जिल्हास्तरीय प्रदर्शन 2024 – 25 संपन्न

Shreyash Wankhede:

         जिल्हा शिक्षण व प्रशिक्षण संस्था, चंद्रपूर Hackathon उपक्रमांतर्गत जिल्हास्तरीय प्रदर्शन 2024-25 चे आयोजन जिल्हा शिक्षण व प्रशिक्षण संस्था, चंद्रपूर येथे दिनांक 15 जानेवारी 2025 रोजी संपन्न झाले. या प्रसंगी कार्यक्रमाच्या अध्यक्षस्थानी मान. राजकुमार हिवारे प्राचार्य, जिल्हा शिक्षण व प्रशिक्षण संस्था चंद्रपूर, प्रमुख अतिथी मान. श्रीमती अश्विनी सोनवणे, शिक्षणाधिकारी (प्राथमिक) जिल्हा परिषद चंद्रपूर, मान. राजेश पातळे शिक्षणाधिकारी (माध्यमिक) जिल्हा परिषद चंद्रपूर सर्व पंचायत समितीचे गटशिक्षणाधिकारी व परीक्षक यांची मंचावर उपस्थिती होती.
STARS प्रकल्प अंतर्गत या उपक्रमामध्ये इयत्ता सहावी ते आठवीच्या विद्यार्थ्यांचा सहभाग होता. विद्यार्थ्यांमध्ये नवनिर्मितीची मानसिकता निर्माण करण्यासाठी 21 व्या शतकातील कौशल्याची रुजवणूक व्हावी म्हणून या उपक्रमाचे आयोजन करण्यात आले होते.

          या उपक्रमांतर्गत 15 थीम्स वर आधारित प्रतिकृती विद्यार्थ्यांनी सादर करणे अपेक्षित होते. त्या अनुषंगाने चंद्रपूर जिल्ह्यातील एकूण 644 गटांनी यामध्ये सहभाग घेतला. प्रत्येक गटात एक शिक्षक व दोन विद्यार्थी यांचा समावेश होता. जिल्हास्तरीय प्रदर्शनीमध्ये यातून शासकीय शाळा, शासकीय अनुदानित शाळा व स्थानिक स्वराज्य संस्था यामधून 102 प्रतिकृती ची जिल्हास्तरावर निवड करण्यात आली. यातून उत्कृष्ट अशा तीन प्रतिकृती निवडून त्या राज्यस्तरावर पाठविण्यात आल्या.
याच कार्यक्रमात  जिल्हास्तरीय  नवोपक्रम स्पर्धा 2024 – 25 मध्ये पुरस्कार प्राप्त प्राथमिक, माध्यमिक व उच्च माध्यमिक गटातील शिक्षकांना मंचावर उपस्थित मान्यवरांचे हस्ते प्रमाणपत्र व सन्मानचिन्ह देऊन गौरव करण्यात आला. त्याच प्रमाणे भरारी 2.0 या उपक्रमांतर्गत स्पर्धा परीक्षा प्रश्नसंच निर्मिती कार्यात उत्कृष्ठ कार्य करणार्‍या
शिक्षकांचा सुद्धा प्रमाणपत्र व सन्मान चिन्ह देऊन गौरव करण्यात आला.
प्रमुख अतिथी माननीय अश्विनी सोनवणे यांनी सांगितले की, ” Pursue Excellence and Let Success Follow “, उत्कृष्ट बाबीकडे मन वळवल्यास यशाची शिखरे गाठता येतात. माननीय राजेश पातळे यांनी सांगितले की, 6 ते 8 या  वर्गाला Hackathon ही वेगळी संकल्पना आहे, जिल्ह्यातील विद्यार्थी व शिक्षकांचा सहभाग नाविन्यतेला नवा आकार व विद्यार्थ्याला योग्य दिशा देणारी ठरेल. अध्यक्षीय भाषण करताना माननीय राजकुमार हिवारे यांनी सांगितले की, या नवीन संकल्पनेने उच्चांक गाठला आहे. 1288 विद्यार्थी व 644 शिक्षकांचा सहभागी होणारा चंद्रपूर महाराष्ट्रातील एकमेव जिल्हा आहे. यासाठी प्रत्येक तालुक्यातील विषयसाधनव्यक्ती यांनी विशेष परिश्रम घेतले. या उपक्रमातून समाजातील समस्यांचे निराकरण करणारे बालवैज्ञानिक या उपक्रमातून तयार होतील.
या कार्यक्रमाचे प्रास्ताविक विवेक इत्तडवार, संचलन सपना पिंपळकर, आभार धनराज येलमुलवार यांनी केले. कार्यक्रमाच्या रूपरेषेनुसार सकाळी 9 ते 11 या वेळेत प्रदर्शनीय प्रतिकृतीची नोंदणी व मांडणी करण्यात आली. सकाळी 11 वाजता उद्घाटन समारंभ संपन्न झाला. दुपारी 12 ते 4 या काळात मूल्यमापन झाले. सायंकाळी 4 ते 5 या काळात बक्षीस वितरण व समारोपीय कार्यक्रम संपन्न झाला.
समारोपीय कार्यक्रमाच्या प्रमुख अतिथी माननीय निखिता ठाकरे उपशिक्षणाधिकारी (माध्यमिक) जिल्हा परिषद चंद्रपूर यांनी आपल्या मार्गदर्शन करतांना सांगितले की, विद्यार्थ्यांनी स्पर्धेत भाग घेणे आवश्यक आहे. त्यामुळे त्यांची गुणवत्ता वाढ होते. मान. निवास कांबळे उपशिक्षणाधिकारी प्राथमिक जिल्हा परिषद चंद्रपूर यांनी मार्गदर्शन करताना सांगितले की, समस्यांचे समाधान होण्यासाठी अशा प्रकारचे उपक्रम राबवले जाणे आवश्यक आहे. मान. धर्मराज काळे परीक्षक यांनी मार्गदर्शन करताना सांगितले की, नाविन्यपूर्ण संकल्पनेतून विद्यार्थी  प्रगतीच्या शिखरापर्यंत पोहोचतात. समारोपिय कार्यक्रमाचे अध्यक्ष मान. राजकुमार हिवारे होते.
सहभागी 96 प्रतिकृती पैकी 3 प्रतिकृतींना राज्यस्तरासाठी निवडायचे होते. यामध्ये जिल्हा परिषद उच्च प्राथमिक शाळा सिदुर पंचायत समिती चंद्रपूर चा प्रथम क्रमांक, नेवजाबाई हितकरणी कन्या विद्यालय ब्रह्मपुरी पंचायत समिती ब्रह्मपुरी चा दुसरा क्रमांक, जिल्हा परिषद उच्च प्राथमिक शाळा चिंचोली पंचायत समिती राजुराचा तिसरा क्रमांक आला. मंचावर उपस्थित सर्व मान्यवरांनी विजयी विद्यार्थ्यांना व शिक्षकांना शिल्ड व प्रमाणपत्र देऊन गौरव केला.

परीक्षक म्हणून महत्वपूर्ण भूमिका श्रीमती रिणा अनिल घरामी, जनता ज्यु. कॉलेज,घुग्गुस, श्री. धर्मराज काळे, सेवानिवृत्त मुख्याध्यापक, श्रीमती अर्चना रामटेके, न्यू इंग्लिश हायस्कूल, चंद्रपूर, श्री राकेश आवारी, यशवंतराव शिंदे ज्यु. कॉलेज,भद्रावती, श्री. राजू वडस्कर, जनता विद्यालय घुग्गुस, डॉ. के. एन. सहारे, गुरूनानक कॉलेज, बल्लारपूर यांनी पार पडली. कार्यक्रम यशस्वी करण्यासाठी संतोष बेले, अमोल बल्लावार, रविंद्र तामगाडगे, रंजना दुपारे, आनंद गोंगले, संध्या भगत, संगीता सराफ, गीता जांभूळे, अरुणा कवठे, बबीता चहांदे, आशा बेले, अरविंद चिढे,
सचिन देशेट्टीवर, राम माणिक, मुसा शेख, राकेश रामटेके, जितेंद्र नवघडे, चरनदास आगळे, हिना बोकडे, रोहिणी कंचर्लावार व सर्व साधनव्यक्ती यांनी सहकार्य केले.