अनिल नखाते यांच्या वर अविश्वास ठराव पारीत.

अनिल नखाते यांच्या वर अविश्वास ठराव पारीत.

परभणीत महायुतीमध्ये बेबनाव; 

Jyotsna Wankhede:  राष्ट्रवादी काँग्रेसच्या अजित पवार गटाच्या सभापतीं वरच शिंदे गटाकडून अविश्वास प्रस्ताव दिल्याने काँग्रेसला फायदा? राज्यात सत्तेत असलेल्या महायुतीमध्ये बेबनाव असल्याची चर्चा अनेकदा समोर येते. पण आता परभणी जिल्ह्यातील पाथरी  येथील राष्ट्रवादी काँग्रेसच्या सभापतीं वरच शिंदे गटाकडून अविश्वास प्रस्ताव दाखल करण्यात आल्याने तेथील बेबनाव उघडकीस आला आहे. त्याचा फायदा काँग्रेसला होऊ शकतो. पाथरी कृषी उत्पन्न बाजार समितीचे राष्ट्रवादी काँग्रेस अजित पवार गटाचे सभापती अनिल नखाते यांच्याविरुद्ध आज जिल्हाधिकाऱ्यांकडे अविश्वास प्रस्ताव दाखल केला आहे. हा अविश्वास प्रस्ताव शिवसेना शिंदे गटाच्या पाथरी कृषी उत्पन्न बाजार समितीचे उपसभापती पप्पू घाडगे यांच्या नेतृत्वात दाखल करण्यात आला आहे. पाथरी कृषी उत्पन्न बाजार समितीमध्ये राष्ट्रवादी अजित पवार गटाचे पाच तर शिवसेना शिंदे गटाचे सहा संचालक आहेत. त्यामध्ये आता नुकत्याच काँग्रेसच्या जिल्हाध्यक्षपदी निवड झालेले माजी आमदार बाबाजानी दुर्राणी यांनी उडी घेतली असून अविश्वास प्रस्ताव दाखल केलेल्या शिवसेना शिंदे गटाच्या सहा संचालकांना गळाला लावली असल्याची चर्चा सुरू झाली आहे. त्यामुळे पाथरी विधानसभा मतदारसंघाचे राष्ट्रवादी काँग्रेसचे आमदार राजेश विटेकर यांना चांगलाच धक्का मानला जात आहे. तर दुसरीकडे शिवसेना शिंदे गटाच्या संचालकांनी अविश्वास प्रस्ताव दाखल केल्याने महायुतीमध्ये बेबनाव निर्माण झाल्याची देखील चर्चा सुरू झाली आहे.पाथरी कृषी उत्पन्न बाजार समितीमध्ये मुळात राष्ट्रवादी काँग्रेस ची एक हाती सत्ता होती पण राष्ट्रवादी काँग्रेसमध्ये फूट पडल्यानंतर पाच संचालक अनिल नखाते यांच्या नेतृत्वात राष्ट्रवादी काँग्रेस अजित पवार गटात सहभागी झाले तर उर्वरित सात संचालक हे माजी आमदार बाबाजानी दुर्राणी यांच्या नेतृत्वात काँग्रेस मध्ये सहभागी झाले. त्यामुळे तत्कालीन सभापती अनिल नखाते यांच्या विरोधात अविश्वास प्रस्ताव दाखल करण्यात आला होता पण शिवसेना शिंदे गटाच्या सहा संचालकांनी ऐनवेळी पाठिंबा दिल्याने राष्ट्रवादी काँग्रेस अजित पवार गटाचे सभापती अनिल नखाते यांची खुर्ची वाचली होती.बदल होणार नाही असे वाटत असतानाच…

पण आता ज्या सहा शिंदे गटाच्या संचालकांनी पाठिंबा दिला होता त्यांनीच आता सभापती अनिल नखाते यांच्या विरोधात अविश्वास प्रस्ताव जिल्हाधिकाऱ्यांकडे सादर केला आहे. राज्यामध्ये महायुतीचे सरकार असल्याने शिंदे गटाच्या संचालकाच्या बळावर राष्ट्रवादी काँग्रेसचे अनिल नखाते हे सभापती पदाचा कार्यकाळ पूर्ण करतील अशी अपेक्षा होती. त्यातच नुकत्याच झालेल्या विधानसभा निवडणुकीमध्ये पाथरी विधानसभा मतदार संघातून राष्ट्रवादी काँग्रेस अजित पवार गटाचे आमदार राजेश विटेकर हे निवडून आल्याने बदल होणार नाही असे देखील सर्वांना वाटत होते. पण अचानक शिवसेना शिंदे गटाच्या संचालकां नी अविश्वास प्रस्ताव दाखल केल्याने महायुतीमध्ये प्रचंड खळबळ उडाली आहे.शिंदे गटाचे संचालक काँग्रेसच्या गळाला लागले अविश्वासाचे हे प्रकरण तेवढ्यावर थांबले नाही तर काँग्रेसचे जिल्हाध्यक्ष माजी आमदार बाबाजानी दुर्राणी यांनी देखील यामध्ये उडी घेतली आहे. माजी आमदार बाबाजानी दुरानी यांनी शिवसेना शिंदे गटाच्या सहा संचालकांना गळाला लावले असल्याची चर्चा आता जिल्हाभर रंगू लागली आहे. पाथरी कृषी उत्पन्न बाजार समितीमधील शिवसेना शिंदे गटाचे सहा संचालक आणि माजी आमदार बाबाजानी दुरानी यांचे सात असे मिळून 13 संचालक सहलीवर गेले असल्याची चर्चा देखील आता रंगू लागली आहे? समिती काँग्रेसकडे जाणार? त्यामुळे पाथरी कृषी उत्पन्न बाजार समितीमध्ये शिवसेना विरुद्ध राष्ट्रवादी अजित पवार गटांमध्ये वाढलेला बेबनाव मुळे राष्ट्रवादी काँग्रेसच्या सभापतीला आता पायउतार व्हावे लागणार असल्याचे चित्र स्पष्ट दिसत आहे. त्याचबरोबर महायुतीकडे असलेली ही कृषी उत्पन्न बाजार समिती पुन्हा एकदा काँग्रेसकडे जाईल की काय अशी देखील चर्चा आता जिल्हाभर रंगू लागली आहे. अविश्वास प्रस्ताव पारित होईपर्यंत राष्ट्रवादी काँग्रेसचे आमदार राजेश विटेकर काय तोडगा काढतात हे देखील आपल्याला पाहावे लागणार आहे.