मा. बच्चूभाऊ कडू यांच्या नेतृत्वाखाली चंद्रपूर जिल्ह्यातील महिला, युवक, दिव्यांग, शेतकरी, प्रकल्पग्रस्त व सर्वसामान्य नागरिकांच्या विविध प्रश्नांवर चर्चा करण्यासाठी विशेष मेळावा
चंद्रपूर जिल्ह्यातील युवक, दिव्यांग, शेतकरी व प्रकल्पग्रस्तांच्या विविध प्रश्नांसाठी लढा उभारणार
*Jyotsna Wankhede*:
मा. बच्चूभाऊ कडू यांच्या नेतृत्वाखाली चंद्रपूर जिल्ह्यातील महिला, युवक, दिव्यांग, शेतकरी, प्रकल्पग्रस्त व सर्वसामान्य नागरिकांच्या विविध प्रश्नांवर चर्चा करण्यासाठी विशेष मेळावा संपन्न झाला. या मेळाव्यात जिल्ह्यातील नागरिकांना भेडसावणाऱ्या विविध समस्या, प्रलंबित प्रश्न तसेच शासन व प्रशासनाकडून अपेक्षित असलेल्या उपाययोजनांबाबत सविस्तर चर्चा करण्यात आली.
चंद्रपूर जिल्हा हा औद्योगिक व खनिज संपत्तीच्या दृष्टीने महत्त्वाचा जिल्हा असूनही स्थानिक युवकांना त्यांच्या पात्रतेनुसार पुरेशा रोजगाराच्या संधी उपलब्ध होत नसल्याची बाब यावेळी मांडण्यात आली. जिल्ह्यातील विविध प्रकल्पांमध्ये स्थानिक युवकांना प्राधान्याने रोजगार मिळावा, यासाठी ठोस उपाययोजना करण्यात याव्यात, अशी मागणी करण्यात आली.
तसेच WCL संबंधित प्रकल्पांमुळे बाधित होणारे शेतकरी, प्रकल्पग्रस्त नागरिक, जमीनधारक व त्यांच्या कुटुंबीयांच्या विविध समस्यांवर चर्चा करण्यात आली. प्रकल्पग्रस्तांना योग्य मोबदला, पुनर्वसन, रोजगाराच्या संधी तसेच त्यांच्या हक्कांचे संरक्षण मिळणे आवश्यक असल्याचे यावेळी स्पष्ट करण्यात आले.
दिव्यांग नागरिकांच्या विविध प्रश्नांवरही विशेष चर्चा करण्यात आली. दिव्यांगांना शासनाच्या विविध योजनांचा प्रभावी लाभ मिळावा, त्यांना रोजगार व स्वयंरोजगाराच्या संधी उपलब्ध करून द्याव्यात, शिक्षण व कौशल्य विकासासाठी आवश्यक सुविधा मिळाव्यात, तसेच शासकीय कार्यालये, सार्वजनिक ठिकाणे आणि विविध सेवांमध्ये दिव्यांगांसाठी आवश्यक सोयी-सुविधा उपलब्ध करून देण्यात याव्यात, अशी मागणी करण्यात आली. दिव्यांगांच्या हक्कांसाठी असलेल्या योजनांची प्रभावी अंमलबजावणी करून पात्र लाभार्थ्यांना कोणत्याही अडथळ्याविना लाभ मिळावा, यासाठी प्रशासनाने विशेष प्रयत्न करावेत, अशी भूमिका मांडण्यात आली.
महिलांच्या प्रश्नांवरही मेळाव्यात विशेष चर्चा करण्यात आली. महिलांना रोजगार, स्वयंरोजगार, कौशल्य विकास, आर्थिक स्वावलंबन आणि सुरक्षित वातावरण उपलब्ध करून देण्यासाठी शासनाच्या योजनांचा प्रभावी लाभ मिळावा, अशी मागणी करण्यात आली. ग्रामीण व दुर्गम भागातील महिलांपर्यंत विविध शासकीय योजना आणि रोजगाराच्या संधी पोहोचविण्याची गरजही यावेळी व्यक्त करण्यात आली.
युवकांच्या वाढत्या बेरोजगारीच्या प्रश्नावरही गांभीर्याने विचार करण्यात आला. स्थानिक पातळीवर रोजगारनिर्मिती, कौशल्य प्रशिक्षण, उद्योग व व्यवसायासाठी आवश्यक मार्गदर्शन तसेच युवकांना स्वयंरोजगारासाठी प्रोत्साहन देण्यासाठी प्रशासनाने ठोस पावले उचलावीत, अशी भूमिका मांडण्यात आली.
याशिवाय शेतकरी, कामगार, दिव्यांग, महिला, युवक आणि सर्वसामान्य नागरिकांच्या विविध मूलभूत प्रश्नांवर प्रशासनाने सकारात्मक भूमिका घेऊन तातडीने कार्यवाही करावी, अशी मागणी करण्यात आली. नागरिकांच्या प्रश्नांकडे दुर्लक्ष झाल्यास आगामी काळात या प्रश्नांसाठी व्यापक जनआंदोलन उभारण्याचा इशाराही यावेळी देण्यात आला.
चंद्रपूर जिल्ह्यातील जनतेच्या न्याय्य हक्कांसाठी आणि त्यांच्या मूलभूत प्रश्नांच्या सोडवणुकीसाठी सातत्याने पाठपुरावा करण्यात येईल. कोणत्याही परिस्थितीत नागरिकांच्या प्रश्नांना वाचा फोडून त्यांना न्याय मिळवून देण्यासाठी लोकशाही मार्गाने संघर्ष सुरू ठेवण्यात येईल, असा निर्धार यावेळी व्यक्त करण्यात आला.
यावेळी सदर मेळाव्याचे आयोजन ललित कासट शिवसैनिक चंद्रपूर व कामगार नेता रोशन हर्बडे यांनी मेळावा पार पाडणयाची जवाबदारी पार पाडली.
यावेळी मंचावर उपस्थित हर्षल शिंदे, संजय देशमुख, प्रविण हेंदवे, मुकेशभाऊ जिवतोडे, युवराज धानोरकर, बंडु हजारे, नितीन मते, प्रतिमा ठाकुर, शैलेश केलझलकर, शेरखान पठाण, संतोष पारखी, महेश डोंगर, भरत गुप्ता, अमोल मांढरे, अमित यादव, आमिष पिले, नथु नवले, निरुदिन पटेल,संतीष बिडकर यांच्या उपस्थितीत कार्यक्रम पार पडला.
