लॉयड्स मेटल्स कारखान्यातील कथित प्रदूषणाविरोधात २६ ऑक्टोबर रोजी मुंबईत बेमुदत अन्नत्याग आंदोलन: राजेश बेले

लॉयड्स मेटल्स कारखान्यातील कथित प्रदूषणाविरोधात २६ ऑक्टोबर रोजी मुंबईत बेमुदत अन्नत्याग आंदोलन: राजेश बेले

*Jyotsna Wankhede* : घुग्घुस, तालुका घुग्घुस, जिल्हा चंद्रपूर येथील मे. लॉयड्स मेटल्स अँड एनर्जी लि. या कारखान्यामुळे परिसरात वायू व जलप्रदूषण होत असल्याचा आरोप संजीवनी पर्यावरण सामाजिक संस्थेचे संस्थापक अध्यक्ष राजेश वारलुजी बेले यांनी केला आहे. या प्रदूषणामुळे शेतजमीन, नदीचे पाणी, नागरिकांचे आरोग्य तसेच पशुपक्ष्यांच्या जीवनावर विपरीत परिणाम होत असल्याचे निवेदनात नमूद करण्यात आले आहे. या पार्श्वभूमीवर कारखान्याची पर्यावरणविषयक परवानगी रद्द करून संबंधितांवर कठोर कारवाई करण्याच्या मागणीसाठी सोमवार, दिनांक २६ ऑक्टोबर २०२६ रोजी मुंबई येथील आझाद मैदानावर बेमुदत अन्नत्याग जनआंदोलन करण्यात येणार असल्याचे संस्थेने जाहीर केले आहे.

संस्थेच्या निवेदनानुसार, कारखान्यातून निघणारा धूर, रासायनिक घटकयुक्त सांडपाणी, घान व औद्योगिक कचऱ्याची कथित अयोग्य विल्हेवाट यामुळे परिसरातील शेती व जलस्रोत प्रभावित होत आहेत. उसगाव नाल्यामध्ये रासायनिक सांडपाणी सोडले जात असल्याचा आरोपही निवेदनात करण्यात आला आहे. या नाल्याद्वारे पुढे वर्धा नदीच्या पाण्यावर परिणाम होत असून परिसरातील शेतीचे नुकसान होत असल्याचे संस्थेचे म्हणणे आहे.

संस्थेने महाराष्ट्र प्रदूषण नियंत्रण मंडळाच्या अधिकाऱ्यांनी केलेल्या पाहणीबाबतही प्रश्न उपस्थित केले आहेत. पाहणीदरम्यान घेतलेल्या पाण्याच्या व घातक कचऱ्याच्या नमुन्यांच्या नोंदी आणि अहवालांची निष्पक्ष चौकशी करण्यात यावी, अशी मागणी करण्यात आली आहे. प्रदूषण नियंत्रण यंत्रणांची कार्यक्षमता, औद्योगिक कचऱ्याची हाताळणी आणि पर्यावरणविषयक नियमांचे पालन यांची उच्चस्तरीय चौकशी करण्याची मागणी महाराष्ट्राचे मुख्यमंत्री देवेंद्र फडणवीस पर्यावरण मंत्री पंकजा मुंडे महाराष्ट्र प्रदूषण नियंत्रण मंडळ सदस्य सचिव राहुल रेखावार जिल्हाधिकारी चंद्रपूर वसुमती पंत यांना निवेदनातून करण्यात आली आहे.

या संदर्भात संस्थेने जिल्हाधिकारी चंद्रपूर, महाराष्ट्र प्रदूषण नियंत्रण मंडळाचे संबंधित अधिकारी आणि राज्य शासनाच्या विविध विभागांकडे यापूर्वी निवेदने सादर केल्याचे नमूद केले आहे. मात्र, मागण्यांवर ठोस कार्यवाही न झाल्यामुळे आंदोलनाचा निर्णय घेण्यात आल्याचे संस्थेने स्पष्ट केले आहे.

प्रमुख मागण्या :

अन्नत्याग जनआंदोलन

* प्रमुख मागण्या *

* में. लॉयड्स मेंटल्स अॅन्ड एनर्जी लि. एम.आय.डि.सी. घुग्घूस ता. घुग्घूस, जि. चंद्रपूर, कारखान्याची पर्यावरण परवानगी रद्द करण्यात यावी.

* म.प्र.नि.मंडळ, चंद्रपूर प्रादेशिक व उपप्रादेशिक कार्यालय प्रादेशिक श्री. तानाजी यादव, उपप्रादेशिक अधिकारी. श्री. सुशीलकुमार राठोड, क्षेत्राधिकारी श्री. नंदकिशोर लोमटे व श्री. स्पनिल लिंगडे हे अधिकारी कारखान्याकडून खूप मोठ्याप्रमाणात देवाण घेवाण करीत आहेत त्यांच्यावर उच्चस्तरीय चौकशी करून फौजदारी गुन्हा दाखल करून  निलंबनाची कार्यवाही करण्यात यावी,

कारतकार : श्री, मोहनदास धोंडूजी राजूरकर, श्री. वामण बापूजी राजूरकर, बंडू धोडूजी राजूरकर, श्री. रामरतन बापूजी राजूरकर, नितेश पांडूरंग ठाउरी, राहनार उसगाव तह. जिल्हा चंद्रपूर, आम्हाला न्याय न मिळाल्यास आम्ही संपूर्ण कास्तकार अन्नत्याग आंदोलन सुरू ठेवु.

*दि. २६/१०/२०२६ सोमवार रोजी सकाळी ११:०० वाजता स्थळ : आझाद मैदान मुंबई, इथे अन्नत्याग जनआंदोलन*

आंदोलन : राजेश वारलुजी बेले, संस्थापक अध्यक्ष, संजीवनी पर्यावरण सामाजिक संस्था, चंद्रपुर

१. लॉयड्स मेटल्स अँड एनर्जी लि. कारखान्याच्या प्रदूषणासंबंधी तक्रारींची निष्पक्ष व उच्चस्तरीय चौकशी करावी.

२. पर्यावरणविषयक नियमांचे उल्लंघन सिद्ध झाल्यास कारखान्याची पर्यावरण परवानगी रद्द करून नियमानुसार कठोर कारवाई करावी.

३. नदी, नाले व शेतजमिनींच्या प्रदूषणाची वैज्ञानिक तपासणी करून अहवाल सार्वजनिक करावा.

४. औद्योगिक सांडपाणी व घातक कचऱ्याची योग्य विल्हेवाट सुनिश्चित करावी.

५. प्रदूषणामुळे नुकसान झालेल्या शेतकरी व नागरिकांना न्याय मिळवून देण्यासाठी आवश्यक कार्यवाही करावी.

६. संबंधित अधिकाऱ्यांच्या भूमिकेची चौकशी करून दोषी आढळणाऱ्यांवर नियमानुसार कारवाई करावी.

या आंदोलनात शेतकरी, सामाजिक कार्यकर्ते व पर्यावरणप्रेमींनी सहभागी व्हावे, असे आवाहन संजीवनी पर्यावरण सामाजिक संस्थेचे संस्थापक अध्यक्ष राजेश वारलुजी बेले तसेच निवेदनावर स्वाक्षरी करणारे शेतकरी व कार्यकर्ते यांनी केले आहे.