भाजप प्रवक्ते पिंटू महादेव यांच्यावर गुन्हा दाखल करुन कठोर कारवाई करा: शहर काँग्रेस कमेटी

Jyotsna Wankhede: लोकसभेतील विरोधी पक्षनेते राहुल गांधी यांना जीवे मारण्याची धमकी देनारे भाजप प्रवक्ते पिंटू महादेव यांच्यावर कडक कारवाई करण्याची मागणी करणारे निवेदन शहर काँग्रेस कमिटीने दि .०१/१०/२०२५ रोजी पोलिस निरीक्षक बिपिन इंगळे यांना सादर केले.

निवेदनात म्हटले आहे की,

दि.२७ सप्टेंबर २०२५ रोजी न्यूज १८ केरळवर प्रसारित झालेल्या थेट चर्चेदरम्यान, भाजप प्रवक्ते पिंटू महादेव यांनी संपूर्ण देशासमोर उघडपणे जाहीर केले की “राहुल गांधींच्या छातीत गोळी मारली जाईल.”हे विधान खाजगी संभाषणाचा भाग नव्हते, तर थेट राष्ट्रीय प्रसारणादरम्यान देण्यात आले होते.असे विधान थेट जीवे मारण्याची धमकी आहे.हे कृत्य केवळ गुन्हेगारी धमकी नाही तर लोकशाही आणि संविधानावर थेट हल्ला आहे.या धमकीमुळे राहुल गांधींच्या जीवाला गंभीर धोका निर्माण झाला आहे.

राहुल गांधी भारतातील लोकांसाठी लोकशाही वाचवण्यासाठी लढत आहेत. गांधी कुटुंबाने नेहमीच राष्ट्रीय हितासाठी योगदान दिले आहे.माजी पंतप्रधान इंदिरा गांधी आणि  राजीव गांधी यांचीही राष्ट्रसेवा करताना सुरक्षेतील त्रुटींमुळे हत्या करण्यात आली.राष्ट्रपिता महात्मा गांधी यांचीही त्याच विचारसरणीच्या लोकांनी गोळ्या घालून हत्या केली होती.आजही, हीच विचारसरणी आणि प्रवृत्ती या विधानांमध्ये स्पष्टपणे दिसून येते.म्हणून आरोपी भाजप प्रवक्ते पिंटू महादेव यांच्याविरुद्ध भारतीय न्याय संहितेच्या विविध कलमांखाली तात्काळ एफआयआर नोंदवावा आणि कठोर कायदेशीर कारवाई यावी.सध्याच्या  धोक्यामुळे,राहुल गांधींना पूर्वी प्रदान केलेली एसपीजी सुरक्षा त्वरित बहाल करावी .

निवेदन देताना महाराष्ट्र प्रदेश काँग्रेस कमेटीचे सचिव द्व्य घनश्याम मुलचंदानी व रोशन लाल बिट्टू,शहराध्यक्ष देवेन्द्र आर्य,  महाराष्ट्र प्रदेश युवक काँग्रेसचे सरचिटणीस चेतन गेडाम,  सचिव याकूब पठाण, माजी नगराध्यक्षा सुनंदा आत्राम, तालुका महिला अध्यक्षा अफसाना सय्यद, माजी नगरसेवक इस्माईल ढाकवाला, सेवादलचे अध्यक्ष प्रानेश अमराज , नरेश गुंडलापेल्ली, मेहमूद पठाण, मंगेश बावणे, सचिन तोटावार, चंचल मुन आश्चर्य माकोडे, सुरेश बोप्पनवार, प्रफुल्ल बोप्पनवार, प्रवीण पोहनकर, श्रीतीज पेडपल्लीवार सह कांग्रेस पक्षाचे पदाधिकारी व कार्यकर्ता उपस्थित होते.