🚩चंद्रपूर शहरातील सार्वजनिक गणेश मंडळांसाठी सुवर्णसंधी! 🚩

महाराष्ट्र शासनाची ‘उत्कृष्ट सार्वजनिक गणेशोत्सव मंडळ स्पर्धा’ जाहीर; राज्य स्तरावर प्रथम क्रमांकासाठी तब्बल ७.५ लाख रुपयांचे रोख बक्षीस!

महाराष्ट्र शासनाच्या पर्यटन व सांस्कृतिक कार्य विभागातर्फे राज्यातील गणेशोत्सव ‘राज्य महोत्सव’ म्हणून साजरा केला जात असून, पु. ल. देशपांडे महाराष्ट्र कला अकादमीमार्फत ‘उत्कृष्ट सार्वजनिक गणेशोत्सव मंडळ स्पर्धा’ आयोजित करण्यात आली आहे.

स्पर्धेची प्रमुख वैशिष्ट्ये व पारितोषिके:

राज्य, राष्ट्रीय व आंतरराष्ट्रीय स्तर: प्रथम क्रमांक – रु. ७,५०,०००/- | द्वितीय – रु. ५,००,०००/- | तृतीय – रु. २,५०,०००/-

जिल्हा स्तर: प्रथम – रु. ५०,०००/- | द्वितीय – रु. ४०,०००/- | तृतीय – रु. ३०,०००/-

तालुका स्तर: प्रथम – रु. २५,०००/-

परीक्षणाचे १०० गुणांचे निकष:

कलांचे जतन व संवर्धन (२० गुण), संस्कृती संवर्धन (२० गुण), गडकिल्ले व पर्यावरण जतन (२० गुण), सामाजिक कार्य (२० गुण) आणि पर्यावरणपूरक मूर्ती/सजावट व महिला सहभाग (२० गुण).

अर्ज कसा करावा?

पात्र व नोंदणीकृत मंडळांनी ganeshostav.pldmka.co.in या पोर्टलवर जाऊन विहित मुदतीत ऑनलाईन अर्ज करावा.

चंद्रपूर शहरातील सर्व सार्वजनिक गणेश मंडळांनी पर्यावरणपूरक व विधायक उपक्रम राबवून या राज्यस्तरीय स्पर्धेत मोठ्या संख्येने सहभागी व्हावे!