*पोलीस स्मृतीदिनानिमित्त चंद्रपूर पोलीस मुख्यालयात कर्तव्य बजावताना बलिदान देणाऱ्या हुतात्म्यांना वाहिली आदरांजली*

शांतता आणि कायदा सुव्यवस्था राखताना प्राणाची आहुती देणाऱ्या वीर पोलिसांच्या त्यागाचे स्मरण करण्यासाठी, बुधवार दिनांक २१ ऑक्टोबर २०२६ रोजी चंद्रपूर पोलीस मुख्यालयातील हुतात्मा स्मारक मैदानावर “पोलीस स्मृतीदिन” अत्यंत गंभीर आणि शिस्तबद्ध वातावरणात साजरा करण्यात आला.

– प्रमुख अतिथी – चंद्रपूरच्या जिल्हाधिकारी मा. श्रीमती वसुमना पंत (भा.प्र.से.)

– चंद्रपूर महानगरपालिका आयुक्त श्री. अकुनूरी नरेश (भा.प्र.से.)

– पोलीस अधीक्षक श्री. आयुष नोपानी (भा.पो.से.)

– अपर पोलीस अधीक्षक श्री. ईश्वर कातकडे (म.पो.से.) यांच्या प्रमुख उपस्थितीत हा कार्यक्रम पार पडला.

कार्यक्रमादरम्यान हुतात्मा स्मारकाला पुष्पचक्र अर्पण करून देशासाठी बलिदान देणाऱ्या अमर जवानांना भावपूर्ण मानवंदना देण्यात आली.

वीरमरण आलेल्या शहीद जवानांचे कुटुंबीय विशेषतः उपस्थित होते. जिल्हा प्रशासन आणि पोलीस दलाच्या वतीने शहीद कुटुंबांप्रती कृतज्ञता व्यक्त करून त्यांचे मनोबल वाढवण्यात आले.

या संचलनात व कार्यक्रमात श्री कुमार सुशांत (सहा. पोलीस अधीक्षक, राजुरा), श्री सत्यजित आमले (SDPO मूल), श्री रविंद्र जाधव (SDPO गडचांदूर), श्री प्रमोद चौगुले (SDPO चंद्रपूर), श्री सचिन खैत्रे (परि. पोलीस उपाधीक्षक) तसेच शहरातील विविध पोलीस स्टेशनचे प्रभारी अधिकारी, अंमलदार, SFPF चे अधिकारी व जवान यांनी शिस्तबद्ध सहभाग नोंदवला.

तसेच शांतता समितीचे सदस्य, प्रतिष्ठित नागरिक, पोलीस मित्र आणि पत्रकार बांधव उपस्थित होते.

समाजातील शांतता, सुरक्षिततेसाठी प्राणार्पण करणाऱ्या जवानांचा त्याग सदैव स्मरणात राहील असा संकल्प यावेळी व्यक्त करण्यात आला. हुतात्म्यांना शोकप्रणाम करून कार्यक्रमाची सांगता करण्यात आली.