न्यू हायस्कूल सेलूचा निकाल उंचावला.

सेलू येथील मराठवाडा शिक्षण प्रसारक मंडळ छत्रपती संभाजीनगर संचलित न्यू हायस्कूल व उच्च माध्यमिक विद्यालयाचा दहावीचा निकाल मागच्या वर्षीच्या तुलनेत उंचावला आहे. यावर्षी एकूण प्रविष्ट 83 विद्यार्थ्यांपैकी 72 विद्यार्थी उत्तीर्ण झाले आहेत. शाळेचा एकूण 87% निकाल लागला आहे.ग्रामीण भागातील विद्यार्थ्यांनी निकालामध्येआपला ठसा उमटवला आहे. सोनम पौळ, आरती काकडे, आशिष मनेरे यांनी प्रथम, द्वितीय व तृतीय येण्याचा मान मिळवला आहे. या गुणवंत विद्यार्थ्यांचा त्यांच्या गावाकडे रवळगाव व रायपूर या ठिकाणी जाऊन शाळेचे मुख्याध्यापक के व्ही मोरे, पर्यवेक्षक धनंजय भागवत, सावंत ए एस, गाडेकर रामेश्वर, मंजुषा बोराडे यांनी गुणगौरव केला. याप्रसंगी विद्यार्थी, पालक व गावातील प्रतिष्ठित नागरीक उपस्थित होते. शाळेच्या यशाबद्दल शालेय समितीचे अध्यक्ष अशोक काकडे, संतोष कुलकर्णी, लता गिल्डा, प्रा विठ्ठल डख ॲड अशोक फोपसे आदींनी विद्यार्थी,शाळेचे अभिनंदन केले आहे.