माध्यमिक शिक्षण विभाग जिल्हा परिषद चंद्रपूर या कार्यालयात प्रचंड भ्रष्टाचार

माध्यमिक शिक्षण विभाग जिल्हा परिषद चंद्रपूर या कार्यालयात प्रचंड भ्रष्टाचार

खालून वर अधिकारी पदावर असलेल्या चॅनलचे हात ओले

श्री. बी. एम. नगराळे मुख्याध्यापक सावित्रीबाई फुले विद्यालय ब्रह्मपुरी जिल्हा चंद्रपूर यांची नियमबाह्य दिलेली मान्यता तात्काळ रद्द करून ज्यादा वेतनाची वसुली करण्याबाबत च्या कारवाईत माध्यमिक शिक्षण विभाग जिल्हा परिषद चंद्रपूर बेकाम

श्री. बी. एम. नगराळे मुख्याध्यापक सावित्रीबाई फुले विद्यालय ब्रह्मपुरी जिल्हा चंद्रपूर यांची नियमबाह्य दिलेली मान्यता तात्काळ रद्द करून जादा वेतनाची वसुली करण्याबाबत, शिक्षण उपसंचालक कार्यालय नागपूर विभाग नागपूर यांनी दिलेले पत्र जावक क्रमांक: शिउसं/ नागपूर माध्यमिक-ड/ 2024 366 8 दिनांक: 22 मे 2024 माध्यमिक शिक्षण अधिकारी जिल्हा परिषद चंद्रपूर यांना दिल्यानंतर माध्यमिक शिक्षण विभाग जिल्हा परिषद चंद्रपूर यांच्या चुकीच्या धोरणामुळे  सदर कारवाई फसवी ठरत आहे. यामध्ये खालून वर पर्यंत अधिकारी असलेल्या लोकांना पैसा खाण्याची सवय लागल्यामुळे संबंधितांवर कारवाई होत नसल्याची चर्चा सुरू आहे. माध्यमिक शिक्षणाधिकारी जिल्हा चंद्रपूर यांनी या प्रकरणात आपले हात चांगल्याच प्रकारे ओले केले असल्याची चर्चिले जात आहे. वरच्या अधिकाऱ्याला हाताशी घेऊन या शाळेला भेट देऊन, त्या शाळेला भेट देऊन हे सांगत फिरत आहे की ह्या शाळेचा दर्जा एकदम चांगल्या प्रकारच्या आहे, त्या शाळेचा दर्जा एकदम चांगल्या प्रकारचा आहे आणि इकडे तिकडे पैसे खाऊन त्याच हरामाच्या पैशातून चंदा देण्याची घटनाही चर्चेचा विषय बनला आहे.

डिप्रेस्ड क्लासेस एज्युकेशन सोसायटी ब्रह्मपुरी द्वारा संचालित  सावित्रीबाई फुले विद्यालय ब्रह्मपुरी व महात्मा फुले विद्यालय किन्ही या दोन शाळा कार्यरत आहे. महात्मा फुले विद्यालय किन्ही शाळेतील विद्यार्थी संख्या सत्र: 2019-2020 च्या संच मान्यतेनुसार 100 पेक्षा कमी झाल्यामुळे मुख्याध्यापिका कु. एम. एम. पिल्लारे या अतिरिक्त झाल्या.

सावित्रीबाई फुले विद्यालय ब्रह्मपुरी येथील मुख्याध्यापक श्री. गायकवाड हे दिनांक: 31/08/ 2021 ला सेवानिवृत्त झाले. या रिक्त झालेल्या मुख्याध्यापक पदी कु. एम. एम. पिल्लारे मुख्याध्यापिका यांना समायोजन करणे बंधनकारक असतांना सुद्धा समायोजन न करता श्री. नगराळे सहायक शिक्षक यांना दिनांक: 01/09/2021 ला मुख्याध्यापक पदी पदोन्नती दिली. शिक्षण अधिकारी माध्यमिक यांनी भ्रष्ट मार्गाने नियमबाह्य मान्यता दिलेली आहे. या नियमबाह्य मान्यतेमुळे शासनावर लाखो रुपयांचा भूर्दंड बसत आहे. त्यामुळे या प्रकरणाची तात्काळ चौकशी करून श्री. नगराळे यांची नियमबाह्य मान्यता रद्द करावी व जादा वेतनाची वसुली करण्यात यावी याबाबत निवेदन कार्यालयात देण्यात आलेले आहे.

मान. शिक्षण उपसंचालक कार्यालय नागपूर विभाग नागपूर या कार्यालयाने चौकशी करून चौकशी अहवाल सादर करण्याचे निर्देश शिक्षण अधिकारी माध्यमिक जिल्हा परिषद चंद्रपूर यांना देण्यात आले होते.

मान.  शिक्षण अधिकारी माध्यमिक जिल्हा परिषद चंद्रपूर यांनी चौकशी अहवाल सादर केलेला आहे त्यानुसार दिनांक: 31/08/ 2021 ला श्री. गायकवाड हे मुख्याध्यापक पदावरून सेवानिवृत्त झाले. त्यामुळे पद रिक्त झाले होते. नियमानुसार रिक्त पदावर अतिरिक्त झालेले महात्मा फुले विद्यालय किन्ही या शाळेचे मुख्याध्यापक यांचे समायोजन करने होणे अपेक्षित होते. परंतु तसे न करता श्री. नगराळे यांना पदोन्नती देण्यात आली.

महात्मा फुले विद्यालय किन्ही या शाळेचे मुख्याध्यापक पद मान्य नाही. परंतु सदर पदास संरक्षण आहे. पद अतिरिक्त होत असल्याने सदर मुख्याध्यापिकेचे समायोजन सावित्रीबाई फुले विद्यालय ब्रह्मपुरी येथील रिक्त पदावर करावयास पाहिजे होते. त्यामुळे  श्री. नगराळे यांची मुख्याध्यापक पदावर झालेली पदोन्नती नियमानुसार नाही. असे चौकशी अहवालानुसार दिसते.

करिता उपरोक्त चौकशी अहवाला नुसार श्री. बी. एम. नगराळे मुख्याध्यापक सावित्रीबाई फुले विद्यालय ब्रह्मपुरी जिल्हा चंद्रपूर यांची नियमबाह्य दिलेली मान्यता तत्काळ रद्द करून जादा वेतनाची वसुली करण्यात यावे. असे आदेश मान. उल्हास नरड  शिक्षण उपसंचालक नागपूर विभाग नागपूर यांनी दिनांक: 22/05/ 2024 रोजी दिले व त्याची प्रतिलीपी श्री. सुभाष गोतमारे कार्यवाह  महाराष्ट्र राज्य शिक्षक परिषद नागपूर यांना दिले. त्यानंतर माध्यमिक शिक्षणाधिकारी जिल्हा परिषद चंद्रपूर हे पैसा खाऊन बसून असल्यामुळे या आदेशाला केराची टोपली दाखवत असल्याची चर्चा सुरू आहे. पेट्रोल पाण्याचा खर्च निघत असल्यामुळे शिक्षण अधिकारी माध्यमिक हे काहीच कारवाई करत नसल्याचे स्पष्ट झाले आहे.