प्रथम आरक्षण चार्टचे मॅन्युअल तयार करणे १० जुलै २०२५ पासून सुरू होणार

रेल्वे बोर्डाच्या नव्या सूचनांच्या अनुपालनात, मध्य रेल्वेच्या नागपूर मंडळात सर्व गाड्यांसाठी प्रथम आरक्षण चार्टची मॅन्युअल तयारी १० जुलै २०२५ पासून (Journey Commencing On – JCO) लागू करण्यात येत आहे. ही पुढाकार कार्यक्षमतेत वाढ करणे आणि मूळ तसेच दूरस्थ ठिकाणी वेळेवर चार्ट उपलब्ध करून देणे या उद्देशाने घेतली जात आहे.

सुधारित चार्टिंग वेळापत्रकानुसार:

ज्या गाड्यांचा प्रस्थान वेळ सकाळी ०५:०० ते दुपारी १४:०० दरम्यान आहे, त्यांचा प्रथम चार्ट मागील दिवशी रात्री २१:०० वाजेपर्यंत तयार केला जाईल.

ज्या गाड्यांचा प्रस्थान वेळ १४:०० ते २३:५९ दरम्यान आहे, त्यांचा प्रथम चार्ट गाडीच्या प्रस्थानाच्या किमान ८ तास आधी तयार केला जाईल.

ज्या गाड्यांचे प्रस्थान ००:०० ते ०५:०० दरम्यान आहे, त्यांच्यासाठीही चार्टिंग प्रस्थानाच्या किमान ८ तास आधी केली जाईल.

द्वितीय आरक्षण चार्टच्या तयारीच्या विद्यमान प्रक्रियेत कोणताही बदल करण्यात आलेला नाही. ती यथावत सुरू राहील.

ही सक्रिय पावले भारतीय रेल्वेच्या प्रवासी सेवा सुलभ करण्याच्या आणि कार्यक्षम नियोजन सुनिश्चित करण्याच्या वचनबद्धतेचे प्रतीक आहे, ज्याचा फायदा रेल्वे कर्मचाऱ्यांना तसेच प्रवाशांना होणार आहे.