२९ मार्चला तेलंगणात प. पू. सद्गुरू दादाश्री महाराजांचा महासत्संग
सूक्ष्मध्यान साधना शिबीरासह आध्यात्मिक मेळाव्याचे आयोजन
Jyotsna Wankhede :
मुक्तेश्वरी गुरुपीठाचे प. पू. सद्गुरू दादाश्री महाराज यांच्या परम पावन सानिध्यात सूक्ष्मध्यान साधना शिबीर व महासत्संगाचे आयोजन रविवार, दि. २९ मार्च २०२६ रोजी तेलंगणा विभागातील कवडाला येथील कन्यका परमेश्वरी सभागृहात करण्यात आले आहे. या आध्यात्मिक कार्यक्रमामुळे परिसरात भक्तिमय व सकारात्मक वातावरण निर्माण होणार असून मोठ्या संख्येने साधक उपस्थित राहतील, अशी अपेक्षा आयोजकांनी व्यक्त केली आहे.
कार्यक्रमाची सुरुवात सकाळी ९ वाजता सूक्ष्मध्यान साधनेने होणार असून सकाळी ११ वाजेपर्यंत ध्यान सत्र पार पडणार आहे. त्यानंतर सकाळी ११.३० ते दुपारी २ वाजेपर्यंत महासत्संग आयोजित करण्यात आला आहे. महासत्संगानंतर उपस्थित साधकांसाठी महाप्रसादाची व्यवस्था करण्यात आली आहे.
सद्गुरूंच्या सानिध्यात ध्यान साधना करण्याची संधी ही साधकांच्या जीवनातील प्रेरणादायी व आत्मिक समाधान देणारी अनुभूती मानली जाते. त्यामुळे तेलंगणा विभागातील सर्व साधक बंधू-भगिनींनी या पवित्र कार्यक्रमाचा लाभ घ्यावा, असे आवाहन आयोजकांकडून करण्यात आले आहे.
