*मूल पोलीस स्टेशनची मोठी कारवाई: ₹6,99,750 रुपयांचा प्रतिबंधित सुगंधित तंबाखू व बोलेरो पिकअप वाहन जप्त!*

*ज्योत्स्ना वानखेडे*: अवैध धंद्यांवर निर्बंध घालणे व प्रोअ‍ॅक्टिव्ह रेड पेट्रोलिंग दरम्यान गुप्त बातमीदाराद्वारे मिळालेल्या पक्क्या माहितीच्या आधारे मूल पोलीस स्टेशनच्या पथकाने *एम.आय.डी.सी. मूल येथील उमा नदी नाक्यावर* सापळा रचून धडक कारवाई केली.

या कारवाईत *गोंदिया येथून मूलकडे अवैध वाहतूक* केला जाणारा *₹6,99,750 रुपये* किमतीचा प्रतिबंधित सुगंधित, खुला तंबाखू आणि *महिंद्रा बोलेरो पिकअप वाहन* असा ऐवज जप्त करण्यात आला आहे.

*कारवाई व जप्त मुद्देमालाचा तपशील*

क्र. जप्त करण्यात आलेला मुद्देमाल / विवरण अंदाजे किंमत (रु.)

1. होल हुक्का शिशा तंबाखू (3 प्लास्टिक चुंगड्या व 30 प्लास्टिक बांधे, एकूण 30 किलो) रु. 39,750/-

2. पोपटी रंगाच्या 20 प्लास्टिक चुंगड्यांमध्ये खुला तंबाखू रु. 1,60,000/-

3. महिंद्रा कंपनीची बोलेरो पिकअप (वाहन क्र. **MH 35 AJ 3595**) रु. 5,00,000/-

**एकूण मुद्देमाल किंमत:****रु. 6,99,750/-**

*आरोपीची माहिती*

*आरोपी वाहन चालक*: राहुल हिरालाल मल्लेवार

*वय*: 26 वर्ष

*पत्ता*: रा. गोरेगाव, जिल्हा गोंदिया

*पुढील कायदेशीर कारवाई*

सदर कारवाई दरम्यान पंच समक्ष घटनास्थळाचा पंचनामा करून ई-साक्ष अ‍ॅपद्वारे फोटोग्राफी व व्हिडीओग्राफी करण्यात आली आहे.

जप्त केलेला प्रतिबंधित सुगंधित तंबाखू व वाहन पोलीस स्टेशन मूल येथे सीसीटीव्हीच्या निगराणींत ठेवण्यात आले असून, पुढील वैधानिक व *अन्न व औषध प्रशासन कायद्यान्वये* कारवाईसाठी *अन्न व औषध प्रशासन विभाग (FDA) चंद्रपूर* यांना माहिती देण्यात आली आहे.

*मार्गदर्शन व कारवाई करणारे पोलीस अधिकारी*

*मार्गदर्शक अधिकारी*:

– श्री. आयुष नोपानी (पोलीस अधीक्षक, चंद्रपूर)

– श्री. ईश्वर कातकडे (अपर पोलीस अधीक्षक, चंद्रपूर)

– श्री. सत्यजित आमले (उपविभागीय पोलीस अधिकारी)

– श्री. विजय राठोड (पोलीस निरीक्षक, पो. स्टे. मूल)

*प्रत्यक्ष कारवाई करणारे पथक:*

– पोलीस उपनिरीक्षक रुपेश कुंभरे

– पोलीस हवालदार पंकज बगडे

– पोलीस हवालदार भास्कर कोवे