चंद्रपूर जिल्हा मध्यवर्ती सहकारी बँकेच्या संचालक पदाच्या निवडणुकीत डॉ. अनिल वाढई यांची अविरोध निवड
Shreyash Wankhede:
चंद्रपूर जिल्हा मध्यवर्ती सहकारी बँकेच्या होऊ घातलेल्या संचालक मंडळाच्या निवडणुकीत तालुका अ गटातून बँकेचे विद्यमान सदस्य डॉ. अनिल वाढई यांची अविरोध निवड झाली आहे.
चंद्रपूर जिल्हा मध्यवर्ती सहकारी बँकेची निवडणुक २१ संचालक पदासाठी येणाऱ्या १० जुलै ला होणार आहे. त्यात ११ जून रोजी फॉर्म भरण्याची शेवटची मुदत होती. बल्लारपूर तालुक्यातील सेवा सहकारी अ गट मध्ये एकूण ७ सदस्य होते. डॉ. अनिल वाढई यांचे एकमेव फॉर्म असल्याने ते अविरोध निवडून आले. डॉ.अनिल वाढई हे दुसऱ्यांदा बँकेत निवडून आले. डॉ. अनिल वाढई यांनी निवडणुकीत अविरोध निवडून आल्या बद्दल राजुरा चे माजी आमदार सुभाष धोटे, खासदार प्रतिभा धानोरकर, माजी विरोधी पक्षनेता आमदार विजय वडेट्टीवार, शिक्षक आमदार सुधाकर अडबाले, जिल्हा बँकेचे अध्यक्ष संतोष रावत, माजी अध्यक्ष शेखर धोटे, नरेश मुंदडा यांचे आभार मानले. त्यांच्या अविरोध निवडून आल्याबद्दल कृषी उत्पन्न बाजार समिती ची संचालिका अलका अनिल वाढई, रामभाऊ टोंगे, मुरलीधर पाटील गौरकर, घनश्याम मुलचंदानी, काँग्रेस पक्षाचे अध्यक्ष अब्दुल करीम, माजी गट नेते देवेंद्र आर्य, चंद्रकांत गुरु, डॉ. सुनील कुलदीवार , डॉ. अशोक घुंगुरुडकर, रमेश राजुरकर, घनश्याम उरकुडे, इस्माईल ढाकवाला, युवराज भासरकर यांनी अभिनंदन केले.
