*चंद्रपूर जिल्ह्यातील महाविद्यालयीन परिसरातून अमली पदार्थांचे समूळ उच्चाटन करण्यासाठी पोलीस प्रशासन आणि प्राचार्यांची संयुक्त बैठक संपन्न*

चंद्रपूर जिल्ह्यातील सर्व महाविद्यालयीन प्राचार्यांची पोलीस अधीक्षकांच्या अध्यक्षतेखाली महत्त्वाची बैठक झाली.

महाविद्यालयीन परिसरात आणि विद्यार्थ्यांमध्ये अमली पदार्थांच्या दुष्परिणामांबाबत जनजागृती करणे आणि जिल्ह्याला पूर्णपणे *अमली पदार्थमुक्त* करणे हा बैठकीचा मुख्य उद्देश होता.

उपस्थित सर्व प्राचार्यांना “सुरक्षा मंत्र” पुस्तिका वाटप करण्यात आले.

महाविद्यालयीन तरुणांना अमली पदार्थांच्या विळख्यातून वाचवण्यासाठी व्यापक जनजागृती मोहीम राबवली जाणार आहे.

विद्यार्थी व्यसनाधीनतेकडे वळू नयेत म्हणून नियमित समुपदेशन आणि जनजागृती कार्यक्रम आयोजित केले जाणार आहेत.

महाविद्यालय परिसर आणि इतर भागातील अमली पदार्थांची खरेदी-विक्री होणाऱ्या संशयित ठिकाणांची `हॉटस्पॉट्स` तात्काळ ओळखून त्यावर कडक आणि परिणामकारक प्रतिबंधात्मक उपाययोजना आखण्यात येणार आहेत.

प्राचार्यांनी विद्यार्थ्यांमधील व्यसनाधीनतेची सुरुवातीची लक्षणे कशी ओळखावीत, संभाव्य व्यसनाची ओळख पटवून योग्य वेळी त्यांना कशी मदत करावी यावर आपले विचार मांडले आणि व्यावहारिक सूचना दिल्या.

प्राचार्यांच्या सूचनांची दखल घेऊन पोलीस प्रशासन व इतर संबंधित विभागांशी समन्वय साधून जिल्ह्यातून अमली पदार्थांचे जाळे मुळापासून उखडून टाकण्याचा निर्धार करण्यात आला.

पोलीस अधीक्षकांनी सांगितले की, “विद्यार्थी हे देशाचे भविष्य आहेत. त्यांच्या भविष्याशी खेळणाऱ्या अमली पदार्थ माफियांवर कठोर कारवाई केली जाईल.”

या मोहिमेत सर्व महाविद्यालये, प्राध्यापक आणि पालकांनी पोलिसांना सक्रिय सहकार्य करावे असे आवाहन केले.

या बैठकीस *पोलीस अधीक्षक श्री. आयुष नोपानी*, *पोलीस निरीक्षक श्री. अमोल काचोरे*, स्थानिक गुन्हे शाखा, चंद्रपूर, *सहाय्यक पोलीस निरीक्षक प्रज्ञा वाडेकर* भरोसा सेल, तसेच दामिनी पथक व सायबर पोलीस स्टेशनचे अधिकारी आणि जिल्ह्यातील *52 महाविद्यालयांचे प्राचार्य* उपस्थित होते.