*पोलीस स्टेशन गडचांदूर येथील गुन्हे शोध पथकाची सिनेस्टाइल वाहनाचा पाठलाग करून 35 गोवंश जातीचे जनावरांची सुटका. आरोपी विरुद्ध गुन्हा नोंद.*

*घटनेची माहिती:*

दिनांक *05/08/2026* रोजी गुप्त बातमीदाराकडून गोपनीय माहिती मिळाली की, चंद्रपूर मार्गाने भोयगाव ते गडचांदूर मार्गाने एक टाटा कंपनीचा 12 चाकी ट्रक क्र. *MH.27 AX 8886* मध्ये गोवंश जातीचे जनावरे कत्तलीसाठी घेऊन जाणार आहेत.

या माहितीवरून पोलीस स्टाफने मौजा भोयगाव येथे नाकाबंदी केली.

दिनांक *06/08/2026* रोजी पहाटे *03:30 वा.* दरम्यान एक ट्रक भोयगाव कडे येताना दिसला. नाकाबंदी दरम्यान हाताच्या इशाऱ्याने थांबविण्याचा प्रयत्न केला असता, ट्रक चालकाने वाहन न थांबवता भरधाव वेगाने गडचांदूर मार्गे तेलंगणा राज्याकडे नेले.

पोलीस स्टाफने पाठलाग करून वरिष्ठांना माहिती दिली. मौजा *परसोडा फाटा, ता. कोरपना, जि. चंद्रपूर* येथे वाहन थांबवले. तेव्हा ट्रक चालक वाहन सोडून जंगलाच्या दिशेने पळून गेला. त्याचा पाठलाग केला असता तो मिळून आला नाही.

*पंचनामा मध्ये काय मिळाले?*

1.  *35 नग गोवंश जातीचे जनावरे* – लहान मोठे बैल. किंमत: *7,00,000/- रुपये*

2.  *ट्रक* – किंमत: *15,00,000/- रुपये*

3.  *मोबाईल* – किंमत: *1,000/- रुपये*

असा एकूण *22,01,000/- रुपयांचा मुद्देमाल* पंचनामा करून जप्त करण्यात आला आहे.

जप्त केलेली जनावरे सुरक्षिततेसाठी व वैद्यकीय तपासणी आणि चारा-पाण्याची व्यवस्था करण्यासाठी *प्यार फाउंडेशन, चंद्रपूर* येथे दाखल करण्यात आली आहेत.

*आरोपीवर काय कारवाई?*

सदर ट्रक चालक/मालक आरोपी विरुद्ध *पोलीस स्टेशन गडचांदूर* येथे

*गुन्हा क्र. 409/2026* दाखल करण्यात आला आहे.

*कलम*: 11(1)(घ)(ड)(च)(ज) प्राण्यांना क्रूरपणे वागविण्यास प्रतिबंध अधि. 1960,

कलम 5(अ), 5(ब), 9 महाराष्ट्र प्राणी संरक्षण अधिनियम,

कलम 325, 281 भारतीय न्याय संहिता, कलम 184, 239 मोटर वाहन कायदा.

पुढील कार्यवाही सुरू आहे.

*कारवाई करणारी टीम:*

मा. पोलीस अधीक्षक आयुष नोपानी सा., मा. अपर पोलीस अधीक्षक ईश्वर कातकडे सा., उपविभागीय पोलीस अधिकारी रविंद्र जाधव सा. यांच्या मार्गदर्शनात

पो.नि. शिवाजी कदम यांच्या नेतृत्वाखाली पोउपनि. पंकज हेकाड, नापोअं. बलवंत शर्मा, साईनाथ उपरे, पो.अं. मनोहर जाधव, सुरज ढोले, प्रकाश बाजगीर, राजरतन बोरूडे यांनी ही कार्यवाही केली.