*सिंदेवाही हद्दीत प्रतिबंधीत सुगंधीत तंबाखू जप्त, मुख्य तस्कर जेरबंद*

– *कारवाई:* स्थानिक गुन्हे शाखा चंद्रपूर यांना मिळालेल्या गोपनीय माहितीनुसार, सिंदेवाहीतील आझाद चौक परिसरातील लपलेल्या खोल्यांमध्ये प्रतिबंधित सुगंधित तंबाखू व हुक्का शिशा साहित्याचा मोठा साठा बेकायदेशीर विक्रीसाठी ठेवला असल्याचे समजले.

– *छापा:* १३ जून २०२६ रोजी स्थानिक गुन्हे शाखेच्या पथकाने आझाद चौकातील संशयास्पद ठिकाणी छापा टाकला.

– *जप्ती:* महाराष्ट्रात पूर्णपणे प्रतिबंधित असलेला सुगंधित तंबाखू व हुक्का शिशा तंबाखू असा एकूण *₹२,८४,८४५/-* किमतीचा मुद्देमाल जप्त.

– *अटक:* मुख्य आरोपी *सागर प्रमोदराव केकरे*, वय ३४, रा. आझाद चौक, सिंदेवाही याला घटनास्थळावरून ताब्यात घेतले. पुढील कारवाईसाठी सिंदेवाही पोलीस स्टेशनच्या ताब्यात दिले.

– *गुन्हा दाखल:* अन्न सुरक्षा आणि मानके अधिनियम २००६ च्या कलम ३०(२)(a), २६(२)(i), २६(२)(iv), ५९ सहकलम १२३, २२३, २७५, ३(५) आणि भारतीय न्याय संहिता २०२३ अन्वये गुन्हा नोंद. पुरवठादाराचा शोध सुरू असून पुढील तपास सिंदेवाही पोलीस करीत आहेत.

– *मार्गदर्शन:* ही कामगिरी पोलीस अधीक्षक श्री आयुष नोपानी, अपर पोलीस अधीक्षक श्री ईश्वर कातकडे यांच्या मार्गदर्शनात, पोलीस निरीक्षक श्री अमोल काचोरे यांच्या नेतृत्वाखाली स्थानिक गुन्हे शाखा चंद्रपूरच्या पथकाने पार पाडली.